Մասին

Անշուշտ։ Եթե կենդանի երաժշտության հարթակի, ակումբի կամ կազմակերպության մաս ես և ցանկանում ես ընդլայնել լսարանդ ու ամրապնդել համայնքդ, Crowdbuilder-ը քեզ համար է։
Աշխատելու եք խաղային, բացթողումները լրացնելու ձևաչափով, որն ընդգրկում է լսարանի և համայնքի զարգացման համար կարևոր վեց հիմնական թեմաներ։ Խոսքը ճիշտ պատասխաններ ունենալու մասին չէ. սա երկխոսություններ խթանելու, տեսակետներ փոխելու և ձեր թիմի հետ ընդհանուր տեսլական կառուցելու մասին է։
Սկզբնապես ստեղծված լինելով կենդանի երաժշտության հարթակների կողմից և դրանց համար՝ այս համագործակցային գործիքը կարող է նաև օգտակար լինել ցանկացած մշակութային կամ գեղարվեստական ​​կազմակերպության համար՝ վերանայելու իրենց համայնքների հետ փոխգործակցության ձևը: Անկախ նրանից՝ ղեկավարում ես ակումբ, հարթակ, ստեղծագործական տարածք, թե գեղարվեստական ​​​​կոլեկտիվի մաս ես, Crowdbuilder-ն օգնում է քեզ ու քո թիմին միասին մտորելու, մշակելու ռազմավարություն և ընդլայնելու ձեր լսարանը:
Crowdbuilder-ը պարզապես գործիք չէ, այն հրավեր է՝ համագործակցելու, ուսումնասիրելու և գտնելու ձեր լսարանի հետ կապ հաստատելու նոր եղանակներ։

Խորհուրդ է տրվում ձեր թիմի հետ լիարժեք հանդիպմանը հատկացնել մոտ երկու ժամ։ Սակայն Crowdbuilder-ը ճկուն է. կարող եք այն ուսումնասիրել ձեր իսկ տեմպով, բաժանել ավելի կարճ հանդիպումների կամ կենտրոնանալ որոշակի բաժինների վրա՝ ըստ ձեր կարիքների։ Շտապելու կարիք չկա. հատկացրե՛ք անհրաժեշտ ժամանակը մտորելու և բովանդակային համագործակցության համար։
Գործընթացը ճիշտ կազմակերպելու համար խորհուրդ ենք տալիս նշանակել խաղավարի՝ ուղղորդելու խմբին, հետևելու ժամանակին և ապահովելու, որ բոլորը ներգրավված լինեն։

Ամենևին ո՛չ։ Crowdbuilder-ը նախագծված է բոլորին հասանելի լինելու համար. հատուկ գիտելիքներ կամ դյուրացման հմտություններ չեն պահանջվում։ Անհրաժեշտ է միայն թիմ, մի փոքր հետաքրքրասիրություն և միասին մտածելու պատրաստակամություն։ Ցանկության դեպքում կարող եք մեկին նշանակել իբրև «խաղավար»՝ գործընթացն ուղղորդելու համար, բայց դա կամավոր է և հեշտ է անել։
Կայքը նաև հասանելի կլինի մի քանի լեզուներով՝ Եվրոպայում տարբեր թիմերի համար դրա օգտագործումն ավելի դյուրացնելու նպատակով, սպասվում են նաև նոր թարգմանություններ։ Եթե ձեր լեզուն դեռևս հասանելի չէ, կարող եք կապ հաստատել մեզ հետ կամ հետևել Live DMA-ին սոցիալական ցանցերում՝ նոր տարբերակների թողարկման վերաբերյալ տեղեկությունների համար։

Հանդիպման ավարտին կունենաք ավելի հստակ ռազմավարություն ձեր լսարանը մեծացնելու և ձեր համայնքը հզորացնելու համար: Կձևավորեք նաև ընդհանուր պատկերացումներ, կբացահայտեք փոփոխության կարիք ունեցող ուղղությունները և սկիզբ կդնեք թիմի հետ կարևոր երկխոսությունների: Խոսքը վանդակներում նշումներ անելու մասին չէ. սա ձեր լսարանի կյանքում ձեր հարթակի դերի համար համընդհանուր տեսլականի կառուցման մասին է:

Անշուշտ։ Crowdbuilder-ը նախագծված է կրկնակի օգտագործման և հարմարեցման համար։ Դուք կարող եք վերադառնալ դրան ցանկացած պահի կամ օգտվել դրանից ամեն անգամ, երբ կանգնած եք փոփոխությունների առջև կամ ցանկանում եք նոր գաղափարներ առաջ քաշել։ Սա նաև հիանալի գործիք է նոր թիրախային լսարանի հետ աշխատելիս՝ ծառայելով և՛ որպես մեկնարկային կետ, և՛ որպես ընթացքի վերահսկման գործիք։

Crowdbuilder-ը կիրառում է գործիքի մեջ ձեր մուտքագրած պատասխանները՝ դրա օգտագործումն ապահովելու համար (ներառյալ սևագրերի պահպանումը և արդյունքների արտահանումը)։ Դրանք կպահպանվեն առավելագույնը 1 ամիս՝ ներկայացնելուց կամ վերջին պահպանումից հետո։ Live DMA-ն երբեք չի կիսվի այս տեղեկատվությամբ երրորդ անձանց հետ, ինչպես նաև չի օգտագործի այն ձեզ հետ կապ հաստատելու, վերլուծության, պրոֆիլավորման կամ որևէ այլ երկրորդական նպատակով։ Մենք ցանկանում ենք, որ ձեր մտորումները, ռազմավարությունները և քննարկումները մնան բացառապես ձերը։

Անշուշտ։ Crowdbuilder-ը թույլ է տալիս պահպանել քո առաջընթացը և ցանկացած պահի վերադառնալ դրան՝ օգտագործելով անմիջապես ձեր էլ. փոստին ուղարկված անձնական հղումը։

Գրանցվելու կարիք չկա։ Crowdbuilder-ը լիովին անվճար է և, մուտքը՝ բաց։ Գործիքը կարելի է օգտագործել անմիջապես կայքից և ներբեռնել ձեզ անհրաժեշտ նյութերը։ Չկան օգտահաշիվներ, գաղտնաբառեր. պարզապես սկսե՛ք ստեղծել ձեր լսարանը։

Մենք սիրով կլսենք քեզ։ Crowdbuilder-ը կենդանի, զարգացող գործիք է, և քո ներդրումը մեզ կօգնի այն ավելի լավը դարձնելու։ Անկախ նրանից՝ ունես բարելավման առաջարկներ, ցանկանում ես օգնել գործիքը թարգմանելու քո լեզվով, ունես գաղափարներ այն ավելի մատչելի դարձնելու համար, թե ցանկանում ես կիսվել գործիքի օգտագործման քո փորձառությամբ, մի՛ հապաղիր կապ հաստատել մեզ հետ։

Մեզ հետ կարելի է կապ հաստատել կայքում տեղադրված հարցաթերթիկի կամ Live DMA-ի սոցիալական ցանցերի միջոցով։